Dankfees

Die jaarlikse Dankfees van APK Orania is 'n besondere geleentheid waar die gemeente saamkom om die Here te dank vir Sy goedheid, genade en voorsiening. Deur die jaar ervaar ons daagliks die Here se sorg, en tydens die Dankfees bring ons Hom die eer wat Hom toekom.

Hierdie fees is meer as net 'n tradisie – dit is 'n getuienis van dankbare harte wat erken dat alles wat ons ontvang uit die hand van die Here kom. Dit is ook 'n geleentheid waar gemeentelede saam kuier, mekaar bemoedig en die gemeenskap van gelowiges versterk.

Loof die Here, want Hy is goed, want sy goedertierenheid is tot in ewigheid.
Psalm 107:1